వినుకొండ:ఈనెల 21న ముఖ్యమంత్రి N. Chandrababu Naidu స్వచ్ఛంద – స్వర్ణాంధ్ర కార్యక్రమంలో భాగంగా వినుకొండలో పర్యటించనున్న నేపథ్యంలో భద్రతా మరియు ఇతర ఏర్పాట్లను అధికారులు వేగవంతం చేశారు.ఈ కార్యక్రమానికి సంబంధించిన ఏర్పాట్లను పల్నాడు జిల్లా ఎస్పీ బి. కృష్ణారావు బుధవారం స్వయంగా పరిశీలించారు. కార్యక్రమం జరిగే ప్రదేశాన్ని సందర్శించి భద్రతా ఏర్పాట్లు, ట్రాఫిక్ నియంత్రణ, ప్రజల రాకపోకల సౌకర్యాలపై అధికారులకు సూచనలు చేశారు.ఎస్పీ వెంట ఆర్డీవో మధులత, సీఐ ప్రభాకర్, రూరల్ సీఐ బ్రహ్మయ్య మరియు ఇతర పోలీసు అధికారులు పాల్గొన్నారు. సభ ప్రాంగణంలో వేదిక ఏర్పాటు, పార్కింగ్ స్థలాలు, ప్రవేశ–నిష్క్రమణ మార్గాలు వంటి అంశాలను సమీక్షించారు.
