వినుకొండ, శుక్రవారం: రైతుల ఖాతాల్లో ధాన్యం డబ్బులు 24 గంటల్లోనే జమ అయ్యేలా ప్రభుత్వం చర్యలు తీసుకుంటోందని వినుకొండ వ్యవసాయ మార్కెట్ యార్డ్ చైర్మన్ మీసాల మురళీకృష్ణ యాదవ్ తెలిపారు. వినుకొండ వ్యవసాయ మార్కెట్ యార్డ్లో నిర్వహించిన మార్కెట్ యార్డ్ కమిటీ సమావేశానికి ఆయన అధ్యక్షత వహించారు.రాష్ట్ర ముఖ్యమంత్రి Nara Chandrababu Naidu, వినుకొండ ఎమ్మెల్యే, రాష్ట్ర ప్రభుత్వ చీఫ్ విప్ G. V. Anjaneyulu రైతుల సంక్షేమం కోసం కృషి చేస్తున్నారని ఆయన పేర్కొన్నారు.
గత ఐదేళ్ల పాలనలో వ్యవసాయ, ఉద్యానవన శాఖలు నిర్వీర్యమయ్యాయని విమర్శించారు. డ్రిప్, విద్యుత్ వంటి అంశాల్లో సబ్సిడీలు అందలేదన్నారు. సంప్రదాయ పంటలపై ఆధారపడటం వల్ల రైతులకు లాభనష్టాలు ఎదురవుతున్నాయని తెలిపారు.ఉద్యానవన పంటల సాగుతోనే స్థిరమైన ఆదాయం సాధ్యమని సూచించారు. బత్తాయి, మామిడి, ఉసిరి, సపోటా, దానిమ్మ వంటి తోటల సాగుకు ప్రభుత్వం సబ్సిడీలు అందిస్తోందన్నారు.
గత రెండేళ్లలో సుమారు 10 వేల ఎకరాల్లో ఉద్యానవన పంటలు సాగులోకి వచ్చాయని తెలిపారు. భవిష్యత్తులో 50 వేల ఎకరాలకు విస్తరించడమే లక్ష్యమన్నారు. జామాయిల్, సుబాబుల్కు ప్రత్యామ్నాయంగా వెదురు సాగును ప్రోత్సహిస్తున్నామని చెప్పారు.
గతంలో ధాన్యం అమ్ముకున్న రైతులకు రెండు మూడు నెలల తర్వాతే డబ్బులు చెల్లించేవారని గుర్తుచేశారు. ప్రస్తుతం కొనుగోలు చేసిన 24 గంటల్లోనే రైతుల బ్యాంకు ఖాతాల్లో ఆన్లైన్ ద్వారా చెల్లింపులు జరుగుతున్నాయని తెలిపారు. త్వరలో మండల స్థాయి రైతు సేవా కేంద్రాల్లో కందులు, శనగల కొనుగోలు కేంద్రాలు ఏర్పాటు చేయనున్నట్లు వెల్లడించారు.
ఈ సమావేశంలో ఉద్యానవన శాఖ అధికారి షేక్ నబి రసూల్, వ్యవసాయ శాఖ అధికారి వరలక్ష్మి, మార్కెట్ యార్డ్ సెక్రటరీ కృష్ణా నాయక్, సూపర్వైజర్ రాఘవ తదితరులు పాల్గొన్నారు.
