వినుకొండ పట్టణం 16వ వార్డులో శనివారం ఎన్టీఆర్ భరోసా పెన్షన్ల పంపిణీ కార్యక్రమం నిర్వహించారు. కార్యక్రమానికి ఎమ్మెల్యే జీవీ ఆంజనేయులు హాజరై అర్హులైన వృద్ధులు, వికలాంగులు, వితంతువులకు పెన్షన్ నగదును అందజేశారు. ప్రభుత్వం అమలు చేస్తున్న సంక్షేమ పథకాలు పేద ప్రజలకు ఆర్థిక భరోసాగా నిలుస్తున్నాయని, ప్రతి నెలా సమయానికి పెన్షన్ అందించడం ప్రభుత్వ లక్ష్యమని ఆయన తెలిపారు.
ఈ కార్యక్రమంలో జీడీసీసీ బ్యాంకు చైర్మన్ మక్కెన మల్లికార్జునరావు పాల్గొని లబ్ధిదారులతో మాట్లాడారు. సంక్షేమ పథకాల అమలులో అధికారులు పారదర్శకంగా వ్యవహరిస్తున్నారని చెప్పారు. స్థానిక నాయకులు, పార్టీ కార్యకర్తలు, ప్రజాప్రతినిధులు మరియు పెద్ద సంఖ్యలో లబ్ధిదారులు హాజరయ్యారు. పెన్షన్ అందుకున్న వారు ప్రభుత్వానికి కృతజ్ఞతలు తెలిపారు.
