శావల్యాపురంలో రెండు ఆటోలు ఢీ.. ముగ్గురికి తీవ్ర గాయాలు

శావల్యాపురం నుంచి గంటవారిపాలెం వెళ్లే మార్గంలో సోమవారం రెండు ఆటోలు ఎదురెదురుగా ఢీకొన్నాయి. నరసరావుపేట నుంచి వినుకొండకు ఇంటి సామాన్లతో వెళ్తున్న ఆటోను మరో ఆటో వేగంగా వచ్చి ఢీకొట్టింది. ఈ ప్రమాదంలో ముగ్గురికి తీవ్ర గాయాలయ్యాయి. వెంటనే స్పందించిన స్థానికులు క్షతగాత్రులను వినుకొండ ప్రభుత్వ ఆసుపత్రికి తరలించారు. ఘటనపై పోలీసులు కేసు నమోదు చేసి దర్యాప్తు చేస్తున్నారు.