వినుకొండ పట్టణంలోని పై కన్వెన్షన్లో ఆదివారం అంతర్జాతీయ మహిళా దినోత్సవాన్ని ఘనంగా నిర్వహించారు. కార్యక్రమానికి ప్రభుత్వ చీఫ్ జీవి ఆంజనేయులు వీరితోపాటుగా ఆయన సతీమణి గోనుగుంట్ల లీలావతి ముఖ్య అతిథులుగా హాజరయ్యారు. కార్యక్రమం ప్రారంభంలో జ్యోతి ప్రజ్వలన చేశారు. అనంతరం ఎన్టీఆర్ చిత్రపటానికి పూలమాల వేసి నివాళులు అర్పించారు.
ఈ సందర్భంగా జీవి ఆంజనేయులు మాట్లాడుతూ మహిళల అభివృద్ధి ప్రభుత్వ ముఖ్య లక్ష్యమని తెలిపారు. గతంలో ఎన్టీ రామారావు మహిళలకు ఆస్తి హక్కులు కల్పించి చరిత్ర సృష్టించారని గుర్తు చేశారు. మహిళల సంక్షేమం కోసం పలు పథకాలు అమలు చేస్తున్నామని చెప్పారు.
డ్వాక్రా సంఘాల ద్వారా మహిళలకు ఆర్థికంగా ముందుకు వెళ్లే అవకాశాలు కల్పించామని తెలిపారు. ఎన్నికల హామీలలో భాగంగా మహిళలకు ఉచిత బస్సు ప్రయాణం ప్రారంభించామని పేర్కొన్నారు. కుటుంబంలో ఉన్న ప్రతి పిల్లవారికి రూ.15 వేల చొప్పున తల్లికి వందనం అందజేస్తున్నామని చెప్పారు. ఏడాదికి మూడు ఉచిత గ్యాస్ సిలిండర్లు పంపిణీ చేస్తున్నామని వెల్లడించారు.
తన రాజకీయ జీవితంలో తల్లి వీరితోపాటుగా భార్య ప్రోత్సాహం ఎంతో ఉందని అన్నారు. మహిళల విద్య, ఆరోగ్యం, ఉపాధి రంగాల్లో అభివృద్ధికి ప్రభుత్వం కట్టుబడి ఉందన్నారు. మహిళలకు ఉచిత శిక్షణ కార్యక్రమాలు నిర్వహించి ఉద్యోగ అవకాశాలు కల్పిస్తున్నామని తెలిపారు. మహిళలకు ఎలాంటి సమస్య వచ్చినా తాను అండగా ఉంటానని హామీ ఇచ్చారు.
శివశక్తి లీల అంజన్ ఫౌండేషన్ చైర్మన్ లీలావతి మాట్లాడుతూ తమ ఫౌండేషన్ ద్వారా మహిళలకు సహాయం అందిస్తున్నామని తెలిపారు. ఆడపిల్లల భవిష్యత్తు కోసం సంస్థ నిరంతరం పనిచేస్తుందని పేర్కొన్నా
రు.
