ప్రజల భద్రతే మాకు ముఖ్యం.. ఐనవోలు ఎస్ఐ

ఐనవోలు పోలీస్ స్టేషన్ పరిధిలో ట్రాఫిక్ నిబంధనలు ఉల్లంఘించిన వాహనదారులపై చర్యలు చేపట్టారు. ఐనవోలు ఎస్ఐ కృష్ణారావు ఆధ్వర్యంలో మండలంలోని పొదిలి అడ్డరోడ్డు వద్ద శుక్రవారం ప్రత్యేకంగా వాహనాల తనిఖీలు నిర్వహించారు.

ఈ తనిఖీల్లో హెల్మెట్ లేకుండా ప్రయాణించడం, అవసరమైన పత్రాలు లేకుండా వాహనాలు నడపడం వంటి నిబంధనలు ఉల్లంఘించిన వారికి ట్రాఫిక్ చలాన్లు విధించారు. వాహనదారులు ట్రాఫిక్ నిబంధనలు తప్పనిసరిగా పాటించాలని ఎస్ఐ కృష్ణారావు సూచించారు.